فیروزوالہ (نامہ نگار) تحصیل فیروزوالہ بار ایسوسی ایشن نو منتخب صدر چوہدری قربان علی بھٹی ایڈووکیٹ نے کہا کہ وکلاء کی فلاح و بہبود پر اپنی تمام تر صلاحیتیں بروئے کار لا کر ان کے اعتماد پر پورا اترنے کی کوشش کی جائے گی۔ ینگ وکلاء اور خواتین وکلاء کے مسائل پر خصوصی توجہ دی جائے گی۔ ان خیالات کا اظہار کیمپ آفس میں کامیابی کی مبارکباد دینے کے لیے آنے والے وکلاء اور معززین سے گفتگو کرتے ہوئے کیا۔ اس موقع پر وکلاء اور نو منتخب چئیرمینوں، کونسلروں اور علاقہ کے معززین کی بڑی تعداد موجود تھے۔