گوجرانوالہ(نمائندہ خصوصی) فنِ پہلوانی کے فروغ کے سلسلہ میں گوجرانوالہ کے تمام اکھاڑوں کے سینئر اور نئے نوجوان پہلوان اکھاڑوں کے استادوں اور انٹرنیشنل ریسلنگ میں گولڈ میڈلز حاصل کرنے والے پہلوانوں کا سیمینار ہوا۔ گوجرانوالہ کے تمام اکھاڑوں نے اےم پی اے توفیق بٹ کی قیادت میں اتحاد کر لیا، پہلوانی کے فروغ کے لئے توفیق بٹ کی کوششوں کو زبردست الفاظ میں خراج تحسین پیش کیا گیا۔ توفیق بٹ ایم پی اے نے اس موقع پر پریس کانفرس سے خطاب کرتے ہوئے کہا کہ فنِ پہلوانی کے لئے فروغ کے لئے سینئر اور جونیئر پہلوانوں اور تمام اکھاڑوں کا اتحاد قابل تعریف ہے۔ انہوں نے کہا کہ میرے خلاف جھوٹے اور گھٹیا الزام لگانے والوں کو ایک ارب روپے کا ہتک عزت کے ہرجانہ کے دعویٰ دائر کر رہا ہوں ،وزیراعلیٰ پنجاب کے ویژن کے مطابق پنجاب میں دیسی کشتیوں کے مقابلہ کا آغاز کر دیا ہے۔ اس سلسلہ میں 29تاریخ کو ایک عظیم الشان دنگل اور فروری کے آخر میں رستم گوجرانوالہ دنگل ہو گا۔اس موقع پر گوگا پہلوان اکھاڑہ رحیم پہلوان،ریاض پہلوان ستارہ پاکستان، شاہد بابر چیمپئن پاکستان (بھتیجا یونس پہلوان ستارہ پاکستان، اکھاڑہ یونس پہلوان)، جیدی پہلوان چیمپئن پاکستان اکھاڑہ اسلامیہ سپورٹس، عارف پہلوان اکھاڑہ ضیا پہلوان، منی پہلوان اکھاڑہ منی پہلوان، شادہ پہلوان اکھاڑہ محمد پہلوان، لیاقت باجوہ پہلوان اکھاڑہ منڈیالہ وڑائچ، سلمان مسیح پہلوان چیمپئن اکھاڑہ گوندانوالہ،خاور پہلوان اکھاڑہ گجرات، عمر پہلوان اکھاڑہ شبیر پہلوان، خلیفہ منور پہلوان اکھاڑہ رحیم پہلوان، خلیفہ کالو پہلوان اکھاڑہ اعظم پہلوان، عمر بٹ گولڈ میڈلسٹ، زاہد پہلوان گولڈ میڈلسٹ، عدنان ٹائروں والا گولڈ میڈلسٹ واپڈا، سلیمان پہلوان گولڈ میڈلسٹ، علی پہلوان گولڈ میڈلسٹ، نعیم بٹ پہلوان گولڈ میڈلسٹ، بلال بٹ پہلوان گولڈ میڈلسٹ، شانی پہلوان پسر توفیق احمد بٹ ، شہابو پہلوان پٹھہ خلیفہ مانا پہلوان دیگاں والا، جج پہلوان، عثمان پہلوان، گوگا پہلوان بھیر بھتیجا سلیمان پہلوان، حمزہ بابر پہلوان، جیدا پہلوان ہوٹل والاو سینکڑوں پہلوانوں نے شرکت کی۔