لاہور(سپورٹس رپورٹر) جوبلی انشورنس پہلی قومی انڈر 18 سنوکر چیمپئن شپ پنجاب کے حارث طاہر نے سندھ کے مزمل خان کو 3 کے مقابلے 5 فریم میں کامیابی حاصل کر کے ٹائٹل جیت لیا۔ چیمپئن سنوکر اکیڈمی لاہور میںحارث سہیل نے 51-45, 76-06, 43-76, 72-05, 13-43, 37-71, 54-19, 58-20 کے سکور سے کامیابی حاصل کی۔ حارث سہیل نے ٹورنامنٹ کا 102 کا سب سے بڑا فریم بھی اپنے نام کیا۔ مہمان خصوصی جوبلی انشورنس کے عمران ربانی ، عالمگیر شیخ صدر بلیئرڈ اینڈ سنوکر ایسوسی ایشن، منور حسین شیخ، ایم بی غوری، نوید شیخ اور نوید کپاڈیہ بھی موجود تھے۔ چیمپئن شپ کے اختتام پر کھلاڑیوں میں انعامات تقسیم کیے۔ فاتح چیمپئن شپ حارث سہیل کو ٹرافی کے ساتھ 60 ہزار روپے نقد، رنر اپ کو ٹرافی اور 35 ہزار روپے نقد، بڑی بریک پر پانچ ہزار، سیمی فائنلز میں شکست کھانے والے دونوں پلیئرز کے لیے 15 ہزار روپے فی کس کے ساتھ ٹرافی جبکہ کوارٹر فائنلسٹ کو 5 ہزار روپے فی کس انعام دیا گیا۔