کراچی: پولیس کا گینگ وار کے ملزم کے اڈے پر چھاپہ‘ اسلحہ‘ منشیات برآمد
کراچی (آئی این پی) کراچی کے علاقے لیاری میں پولیس نے کارروائی کرکے بھاری تعداد میں اسلحہ برآمد کرلیا تاہم گینگ وار ملزم گلابو فرار ہونے میں کامیاب ہوگیا۔ بغدادی کے علاقے شاہ بیگ لائن میں پولیس نے گینگ وار ملزم گلابو کے اڈے پر چھاپہ مارا، کارروائی کے دوران ملزم فرار ہونے میں کامیاب ہوگیا جبکہ گلابو کے اڈے سے بھاری تعداد میں اسلحہ منشیات دستی بم برآمد کر لئے گئے۔ ملزم گلابوبابا لاڈلہ کا کمانڈر اور پولیس کو قتل، اقدام قتل، بھتہ خوری میں مطلوب تھا۔
