فیصل آباد (نمائندہ خصوصی) کم عمر ترین مائیکرو سافٹ سرٹیفائیڈ پروفیشنل ارفع کریم رندھاوا کی چوتھی برسی گزشتہ روز منائی گئی۔ مرکزی تقریب ارفع کریم نگر فیصل آباد میں ہوئی۔ ارفع کریم 2 فروری 1995 کو ضلع فیصل آباد میں پیدا ہوئیں اورصرف 9 برس کی عمر میں دنیا کی کم عمر ترین مائیکرو سافٹ سرٹیفائیڈ کا اعزاز حاصل کیا۔ ارفع نے فاطمہ جناح گولڈ میڈل، سلام پاکستان یوتھ ایوارڈ اور صدارتی پرائیڈ آف پرفارمنس دیگر اعزازات بھی حاصل کیے۔مائیکرو سافٹ کارپوریشن کی دعوت پر جولائی 2005 میں ارفع کریم اپنے والد کے ہمراہ امریکا گئی جہاں مائیکرو سافٹ کے چیئرمین بل گیٹس نے انہیں مائیکرو سافٹ سرٹیفائیڈ ایپلی کیشن کی سند عطا کی۔
برسی