مانسہرہ (آئی این پی) مانسہرہ میں جیپ گہری کھائی میں گرنے سے6مسافر جاں بحق جبکہ 10افراد شدید زخمی ہو گئے، زخمیوں کو ہسپتال منتقل کر دیا گیا ہے۔تفصیلات کے مطابق جمعرات کو مانسہرہ کے قریب جبوڑی سے میتھل جاتے ہوئے جیپ حادثے کا شکار ہوگئی ، جیپ گہری کھائی میں جا گرنے سے 6مسافر جاں بحق اور 10شدید زخمی ہو گئے ہیں، جنہیں فوری طور پر مقامی و ریسکیو اہلکاروں نے طبی امداد کیلئے قریبی ہسپتال منتقل کر دیا، جاں بحق ہونے والوں میں خواتین بھی شامل ہیں۔