فیصل آباد (نمائندہ خصوصی) غلام محمد آباد کے علاقہ میں مشتعل شخص نے پولیو ٹیم کو قطرے پلانے سے روک دیا۔ پولیو ورکر کو تشدد کا نشانہ بناتے ہوئے بھاری نقدی چھین لی، مقدمہ درج۔ چوہڑ ماجرا چوک میں محکمہ صحت کا سینٹری پٹرول ورکر داؤد علی اپنی ٹیم کے ہمراہ بچوں کو پولیو قطرے پلانے میں مصروف تھا اس دوران ملزم عبدالرحمان نے انہیں قطرے پلانے سے باز رہنے کا کہا۔ ٹیم اپنے کام میں مگن رہی تو ملزم نے سینٹری پٹرول ورکر داؤد علی کو تشدد کا نشانہ بناتے ہوئے نقدی چھین لی۔ پولیس نے مقدمہ درج کر کے ملزم کی تلاش شروع کر دی ہے۔