مری (صباح نیوز) مری کے علاقہ جھیکا گلی میں ایک گھر سے میاں بیوی کی نعشیں ملی ہیں، دونوں گیس کے باعث دم گھٹنے سے ہلاک ہوئے ہیں۔ پولیس کے مطابق گزشتہ روزمیاں بیوی نے کمرے میں گیس کا ہیٹر جلایا ہوا تھا جو رات کو کسی وقت بند ہوگیا دوبارہ گیس آئی تو کمرے میں گھٹن ہوگئی۔ پولیس کا کہنا ہے کہ دونوں فیصل آباد کے رہائشی ہیں اور یہاں ملازمت کے سلسلے میں رہائش پذیر تھے۔ دونوں کی نعشوں کو تحصیل ہسپتال منتقل کردیا گیا اور ورثاء کو واقعہ کی اطلاع دے دی گئی ہے۔