غزہ (آن لائن+ اے ایف پی) غزہ پٹی میں اسرائیلی فوج کی فائرنگ سے 2فلسطینی شہیدہوگئے ۔غیرملکی خبررساں ایجنسی رپورٹ کے مطابق غزہ میں اسرائیلی فوج نے گھرگھرتلاشی لی ،شہرکے تمام اندرونی اوربیرونی راستوں میں ناکہ بندی کی گئی ،اسرائیل فوج کی فلسطینیوں پراندھادھندفائرنگ کے نتیجے میں دوفلسطینی شہیدہوگئے۔ محمد ابو زید کی گردن میں گولی لگی اور اس نے موقع پر ہی دم توڑ دیا۔ دو زخمی بھی ہوئے جنہیں ہسپتال منتقل کر دیا گیا۔ اسرائیلی فوج نے فائرنگ کے واقعات کی تصدیق کر دی ہے۔