سکھر (آئی این پی) سکھر ایکسپریس کی بوگی نمبر7 میں ڈاکووں نے چلتی ٹرین میں کراچی کے ایک خاندان کو لوٹ لیا۔ ذرائع کے مطابق ڈاکوئوں کا نشانہ بننے والے اہل خانہ نے ریلوے پولیس کو بتایا کہ بھریا سٹی سے جیسے ہی ٹرین روانہ ہوئی تو نواب شاہ کے قریب 4 مسلح ڈاکوئوں نے دوران سفرلوٹ مار شروع کردی۔ ڈاکوئوں نے اسلحہ کے زور پر نقدی اور زیورات لوٹ لئے۔ متاثرہ خاندان سکھر میں شادی کی تقریب میں شرکت کے بعد کراچی جارہا ہے۔ ریلوے پولیس نے ڈاکوئوں کی تلاش شروع کردی۔