8 ویں آل پاکستان چیمبر آف کامرس بھوربن کانفرنس آج مری میں شروع ہوگی
بھوربن (این این آئی) آٹھویںآل پاکستان چیمبر آف کامرس بھوربن کانفرنس (آج) پیرکو بھوربن مری میں شروع ہوگی۔ 52 چیمبرز کے صدور اور عہدیداران کانفرنس میں شریک ہونگے ۔راولپنڈی چمبر کے صدر میاں ہمایوں پرویز کے مطابق کانفرنس کا ایجنڈا مشاورت سے طے کیا گیا ہے ۔ ایجنڈے میں 2016 میں تاجروں کے چیلنجز اور مشکلات کے تدارک کے لیے ممکنہ اقدامات ‘گذشتہ سال کے اہداف کا جائزہ ‘ تاجروں اور عوام کے لیے جاری کی گئی ٹیکس ایمنسٹی سکیم ‘پاک چائنہ اقتصادی راہداری‘توانائی بحران اور دیگر امور پر لائحہ عمل طے کیا جائے گا ۔
