اسلام آباد (سپورٹس رپورٹر) اسلام آباد بلیرڈز اینڈ سنوکر ایسوسی ایشن کے زیر اہتمام پاکستان سپورٹس کمپلیکس میں جاری پانچویں اسلام آباد کپ سنوکر چیمپیئن شپ کے لیگ راﺅنڈ کے اختتام پر 16کھلاڑیوں نے پری کوارٹر فائنل کھیلنے کا اعزاز حاصل کر لیا۔ پری کوارٹر فائنل اتوار کو ہونا تھا مگر پنجاب بلیرڈز اینڈسنوکر ایسوسی ایشن کے چیئرمین اور ڈالفن سنوکر فیکٹری کے ایم ڈی ابرار عظیم کی وفات کے باعث ایک روز کیلئے ملتوی کر دیا گیا۔ اب یہ میچز آج پیر کو صبح دس بجے کھیلے جائیں گے۔ پری کوارٹر فائنل کھیلنے کا اعزاز حاصل کرنے والوں میںراجہ راشد، ہمایوں صدیق، چوہدری فیصل، احمد نقوی، عثمان ثانی، ظہیر الاسلام، نعمان نومی، عمیر مانی، ہاشم خان، خالد خان، نعمان سچل، راجہ منور، راحیل، چوہدری زبیر سومی، شہریار امتیاز اور ظفر اقبال شامل ہیں۔ پری کوارٹر کے بعد آج شام کے سیشن میںکوارٹر فائنل ہوں گے۔