لاہور(سپورٹس رپورٹر) پنجاب پراونشل کوآپریٹو بینک لمیٹڈ نے بارہویں گورنر سٹیٹ بینک سپر سیریز کپ 2016ء کے فائنل میں سٹیٹ بینک کراچی کو ہرا کر سیریز جیت لی۔ فائنل میچ میں سٹیٹ بینک کراچی نے پہلے کھیلتے ہوئے 3 وکٹوں کے نقصان پر 191 رنز بنائے۔ ندیم 71 ، دانیال 40 اور افضل نے 35 رنز بنائے۔ کوآپریٹو بینک نے مطلوبہ سکور بغیر نقصان 193 رنز پر پورا کرلیا۔ جمعہ خان 110 ناٹ آئوٹ اور مبین حمید نے 70 ناٹ آئوٹ سکور کیا۔ قاسم نواز منیجنگ ڈائریکٹر سٹیٹ بینک نے کھلاڑیوں میں انعامات تقسیم کیے۔ واضح رہے کہ بینک یہ سیریز 5 مرتبہ جیت چکا ہے اور مسلسل چار سال سے جیت رہا ہے۔