سمبڑیال + چیچہ وطنی + پاکپتن + بھکر (نامہ نگاران) سمبڑیال میں 6 سالہ بچے، چیچہ وطنی، پاکپتن، بھکر میں 3 خواتین سے زیادتی کی گئی۔ سمبڑیال میں تھانہ ائرپورٹ کے علاقہ میں اوباش کی 6 سالہ بچے سے زیادتی، 2 ملزموں کی لڑکی کے ساتھ زیادتی کی کوشش، پولیس رپورٹ کے مطابق پولیس نے موضع چھنی گوندل کے اشفاق احمد کی درخواست پر اس کے تقریباً 6 سالہ بھتیجے علی شیر کو ڈیرہ پر لے جاکر زیادتی کرنے پر گاؤں ہی کے ملزم علی حسن جبکہ الیوالی کے محمد عارف کی جواں سال بیٹی سجل عارف کو موٹر سائیکل پر بٹھا کر اپنے ڈیرہ پر لے جاکر زیادتی کا نشانہ بنانے کی کوشش کرنے پر گاؤں ہی کے ملزم کامران سکنہ چک اختیار کے خلاف الگ الگ مقدمات درج کرلئے ہیں ۔ چیچہ وطنی میں نواحی گائوں 160/9-L کی آسیہ بیگم زوجہ سیموئیل نے رپورٹ درج کرائی میں گھر میں اکیلی کام کاج میں مصروف تھی نوجوان عظیم آ گیا اور اسلحہ کے زور پر کمرے میں لیجا کر مجھ سے زیادتی کی، مزاحمت پر تشدد کا نشانہ بھی بنایا۔ پاکپتن میں محلہ عارف آباد کا رہائشی غلام مصطفی کی 18 سالہ بیٹی رابعہ بی بی بازار میں سودا سلف لینے گئی جس کو شہر یار وغیرہ 6 افراد نے اغواء کرکے نامعلوم جگہ پر لے جا کر زیادتی کا نشانہ بنا ڈالا۔ بھکر کے نواحی علاقہ جنڈانوالہ میں اوباش کی گھر میں داخل ہوکر خاتون سے زبردستی زیادتی، ویڈیو بھی بنالی۔ فیصل آباد کی رہائشی سونیا اعظم نے درخواست گزاری ملزم محمد یونس گھر میں داخل ہوگیا میرے ساتھ زبردستی زیادتی کی اور موبائل فون پر ویڈیو بھی بنا لی۔