شیخوپورہ سمیت متعدد شہروں میں 4 خواتین اور ایک لڑکے سے زیادتی
شیخوپورہ + لاہور (نمائندگان) شیخوپورہ سمیت مختلف شہروں میں 3 شادی شدہ سمیت 4 خواتین اور ایک لڑکے کو زیادتی کا نشانہ بنا دیا گیا۔ تفصیلات کے مطابق شیخوپورہ میں گوجرانوالہ روڈ کی آبادی شیش محل میں 5 افراد نے محنت کش رفیق کی جواں سالہ بیٹی کو گھر سے اغوا کرکے نامعلوم مقام پر لیجاکر مبینہ زیادتی کا نشانہ بنا ڈالا۔ رفیق اور اسے اہل خانہ محفل نعت میں شرکت کیلئے گئے ہوئے تھے جبکہ صبا اور اسکی بوڑھی والدہ گھر میں موجود تھیںکہ اس دوران ملزم عمران ،ڈاکٹر مقبول وغیرہ نے گھر میں زبردستی گھس کر صبا کوزبردستی اغوا کرلیا اور نامعلوم مقام پر لیجاکر اس سے زیادتی کرڈالی ۔پولیس نے مقدمہ درج کرلیا ہے تاہم کوئی ملزم گرفتار نہیں ہوسکا۔ علاوہ ازیں فیصل آباد کے نواحی گاؤں چک 625/ گ۔ب کے سرفراز کی اہلیہ (ک) کو پانچ افراد عنصر، سکندر، صدی احمد، عمران اور عارف وغیرہ نے اغوا کے بعد نامعلوم مقام پر زیادتی کا نشانہ بنا دیا۔ رضا آباد میں ہوزری فیکٹری میں ملازم کمسن لڑکے فیروز کو ہوزری مالک کے بھائی ملک حمزہ عرف شانی نے زبردستی زیادتی کا نشانہ بنا ڈالا۔ ٹوبہ ٹیک سنگھ میں شادی شدہ خاتون (ع) کو انیس الرحمن اغوا کرکے لے گیا اور ٹوبہ ٹیک سنگھ شہر میں نامعلوم مقام پر رکھ کر اسے زبردستی زیادتی کا نشانہ بناتا رہا۔ تھانہ سمبڑیال کے علاقہ موضع بھوپالوالہ میں عباس نامی ملزم نے عرفان محمود کے گھر رات کو داخل ہوکر اس کی عدم موجودگی میں اس کی بیوی رفعت طاہرہ کو زیادتی کا نشانہ بنا ڈالا اور فرار ہوگیا۔ پولیس نے مقدمات درج کرکے تفتیش شروع کر دی ہے۔
