چارسدہ (نوائے وقت نیوز) چارسدہ کی باچا یونیورسٹی میں شہید ہونے والے افراد کی فہرست جاری کردی گئی ہے، حملے میں ایک پروفیسر، 2 طالبات، ایک پولیس اہلکار اور 4 سکیورٹی گارڈز جاں بحق ہوئے ہیں۔ ڈی ایچ کیو ہسپتال میں 13 شہداء کے ناموں کی فہرست لگا دی گئی ہے۔ شہداء میں سید کمال ولد سید بلال، عمران ولد سید ارشد، شہزاد ولد فضل ربی، احمد کمال ولد کامیاب الرحمان، حیدر علی، ساجد ولد ضمیر شاہ، الیاس، فخر عالم ولد شاہ حسین، رحمان اللہ، صدیق اللہ اور عبدالحمید شامل ہیں۔ دہشت گردوں کی فائرنگ سے یونیورسٹی کے کیمسٹری کے پروفیسر ڈاکٹر حامد حسین بھی شہید ہوئے۔