لاہور/ فیروزوالا (نامہ نگاران) لاہور میں لاکھوں کی وارداتیں، شہریوں سے نقدی سمیت دیگر سامان لوٹ لیا۔ ڈاکوؤں نے شادباغ کے رشیدکے گھر سے 7لاکھ روپے مالیت، جنوبی چھائونی آر اے بازار کے فرحت کے گھر سے 5لاکھ روپے، فیکٹری ایریا چونگی امرسدھو اقبال کے گھر سے4 لاکھ روپے، ساندہ میںراشد کے گھر سے 3لاکھ، سبزہ زار کے فردوس کے گھر سے2 لاکھ روپے کی نقدی، طلائی زیورات، موبائل فون اور دیگر سامان لوٹ لیا ہے۔ ڈاکوئوں نے سٹی رائیونڈ میں فراز سے 2لاکھ، شالیمار میں میاں یوسف سے1لاکھ 55 ہزار، اسلام پورہ میں آسیہ بی بی سے 1لاکھ، گلبرگ میں حارث سے 50ہزار روپے و موبائل، نشتر کالونی میں عمر سے 30ہزار، داتا دربار میں عثمان سے 24ہزار راوی روڈ میں ڈاکوئوں نے عنایت سے 25ہزار اور موٹر سائیکل، سمن آباد میں جاوید سے 22ہزار، جوہر ٹائون میں یاسین سے 1 2 ہزار، لیپ ٹاپ اور موبائل، قائداعظم انڈسٹریل اسٹیٹ میں ایاز سے 12ہزار و موبائل، ٹائون شپ میں ساجد سے 3ہزار و موبائل فونز لوٹ لئے۔ چوروں نے مصطفی ٹائون سے قدیر، ڈیفنس سے ساحر کی کاریں جبکہ کاہنہ میں محمود، باٹا پور سے امتیاز، ڈیفنس بی میں فاروق، فیکٹری ایریا میں ابرار، قلعہ گجر سنگھ میں طارق، مغل پورہ میں سلمان، مزنگ میں زوہیب، شاہدرہ میں عابد، نشتر کالونی میں ساجد، نواں کوٹ میں نبیل، مسلم ٹائون میں ماجد، شاد مان میں سے حسن کی موٹر سائیکلیں چوری کر لی ہیں۔ فیروزوالا سے نامہ نگار کے مطابق ڈاکوئوں نے کوٹ عبدالمالک کے قریب موٹر سائیکل سوار نوجوان طلحہ منصور سے موٹر سائیکل اور رقم چھین کر لے گئے۔ چوروں نے زاہد عزیز کی دکان کے تالے توڑ کر ہزاروں روپے کی رقم و دیگر سامان چوری کر لیا۔ ڈاکوئوں نے بازار جانے والی خاتون کو روک کر اس سے رقم اور موبائل چھین لئے۔ ڈاکو عبدالغفار اسکے ساتھی سے دو لاکھ 60 ہزار روپے کی رقم لے کر فرار ہو گئے۔