کراچی (نوائے وقت رپورٹ) پولیس پارٹی یا ٹن پارٹی، کراچی کے علاقے گلستان جوہر بلاک ایک میں اسلحہ سمیت نشے میں دھت ہو کر غل غپاڑہ کرنے اور سیلفیاں بنانے پر 4 پولیس اہلکاروں کو گرفتار کر لیا گیا۔ نجی ٹی وی کے مطابق پولیس اہلکار نشے میں دھت ہو کر ایک دوسرے پر نوٹ نچھاور کرتے اور ڈگمگا کر گرتے نظر آئے جن کی فوٹیج ٹی وی پر چلنے سے پولیس حکام حرکت میں آ گئے۔ ڈی آئی جی ایسٹ کامران کے مطابق اہلکاروں کا تعلق گلستان جوہر تھانے سے ہے اہلکاروں میں سبطین، رشید، یاسین اور امجد شامل ہیں۔