گوجرانوالہ(نمائندہ خصوصی)الزکی فٹبال کلب گجرات نے پاکستان ریلوے کو دو کے مقابلے میں تین گول سے ہرا کر ڈیپارٹمنٹل ٹورنامنٹ جیت لیا۔الزکی فٹبال کلب کا تعلق ڈی ایف اے گجرات سے ہے‘ نوجوان طلباء پر مشتمل اس ٹیم نے پاکستان ریلوے جیسی تجربہ کار ٹیم کو ہرا کر سپورٹس حلقوں کو حیران کردیا ہے۔ یار رہے کہ پاکستان ریلوے کی ٹیم پچھلے سال پاکستان پریمیئر لیگ میں بھی کھیل چکی ہے اور اس سال کے پی ایف ایف کی بھرپور تیاری کررہی ہے۔ الزکی فٹبال کلب کی جانب سے عثمان اور زوہیب نے گول سکور کرکے اپنی ٹیم کو فتح سے ہمکنار کیا۔