پی سی بی نے امپائر علیم ڈار کو 10 لاکھ روپے انعام سے نواز دیا
لاہور(سپورٹس رپورٹر+ نمائندہ سپورٹس) پاکستان کرکٹ بورڈ کی جانب سے آئی سی سی ایلیٹ پینل کے پاکستانی امپائر علیم ڈار کے اعزاز میں خصوصی تقریب کا اہتمام گذشتہ روز کیا گیا۔ چیئرمین پی سی بی نے اس تقریب میں علیم ڈار کو ٹیسٹ کرکٹ میں بطور امپائر 100 میچ مکمل کرنے پر دس لاکھ روپے کے خصوصی انعام اور شیلڈ سے نوازا گیا۔ علیم ڈار 100 اور اس سے زائد ٹیسٹ میچوں میں امپائرنگ کے فرائض انجام دینے والے دنیا کے تیسرے جبکہ پاکستان کے پہلے امپائر ہیں۔ پاکستان کرکٹ بورڈ کی جانب سے علیم ڈار کے لیے ستارہ پاکستان کے اعزاز کیلئے حکومت کو درخواست کر رکھی ہے۔
