شیخوپورہ: آشنا سے ملکر شوہر کوتشدد کرکے مار ڈالا، ڈکیتی کا رنگ دینے کی کوشش
شیخوپورہ (نامہ نگارخصوصی) بیوی نے آشنا سے ملکر شوہرکو تشدد کرکے مار ڈالا۔ واقعہ کو ڈکیتی کا رنگ دینے کی ناکام کوشش کی۔ تھانہ صدر پولیس نے مقتول کے بھائی کی رپورٹ پر ملزمہ رخسانہ بی بی اور اسکے آشنا بوٹا کے خلاف قتل کا مقدمہ درج کرلیا۔ بتایا گیا ہے گائوں مرزا ورکاں کی ملزمہ رخسانہ بی بی کے ایک نوجوان بوٹا سے دیرینہ مراسم تھے اور وہ اسے ملنے کیلئے گھر آیا ہوا تھا جہاں مقتول شوہر شفیق نے انہیں دیکھ لیا تو دونوں نے مل کر اسے تشدد کرکے ہلاک کردیا اور کمرے کے باتھ روم میںنعش پھینک کر پہلے ڈکیتی اور پھر ہارٹ اٹیک کا رنگ دینے کی کوشش کی، تاہم کسی ملزم کی گرفتاری عمل میں نہیں آئی۔
