ملتان، وہاڑی اور محسن وال میں سرچ آپریشن، 23 مشتبہ افراد گرفتار
ملتان‘ وہاڑی‘ محسن وال (کرائم رپورٹر‘ خبرنگار‘ نامہ نگار) ملتان‘ وہاڑی اور محسن وال میں سرچ آپریشن 23 مشتبہ افراد کوگرفتار کرلیا۔گذشتہ روز تھانہ نیو ملتان کے علاقہ این ایف سی کالج اور خالق پورہ میں آپریشن کیا گیا۔ آپریشن میں ملتان پولیس کی ٹیموں، پاکستان آرمی اور انٹیلی جنس ادارے شامل تھے جبکہ 200 سے زائد گھروں کی تلاشی بھی کی گئی، تلاشی کے دوران 12 مشکوک افراد کو حراست میں لیکر تفتیش شروع کردی گئی۔ وہاڑی میں سی ٹی ڈی اور پولیس کا ایجوکیشن یونیورسٹی کے اطراف نیو شرقی کالونی، 32 کوارٹی اور بھٹہ اکرام میں مشترکہ آپریشن میں 9 مشتبہ افراد کو حراست میں لے لیا گیا۔
