لاہور(نامہ نگار+نمائندہ نوائے وقت) صوبائی دارالحکومت کے مختلف علاقوں میں وارداتوں کے دوران شہریوں سے لاکھوں کا مال لوٹ لیا گیا جبکہ قصور میں مقابلہ میں ایک ڈاکو ہلاک ہو گیا جبکہ3فرار ہو گئے۔ تفصیلات کے مطابق ڈاکوؤں نے مانگامنڈی کے علاقہ مانگا پنڈ کے رہائشی لیاقت کے گھر میں گھس کر اہلخانہ کو گن پوائنٹ پر یرغمال بنا کر 10لاکھ ،سندرکے علاقہ بحریہ ٹائون میں سلامت کے گھر سے 8لاکھ ،اقبال ٹائون کے علاقہ نظام بلاک میں عارف کے گھر سے5لاکھ ،بادامی باغ صدیقیہ کالونی میں ماجد کے گھر سے3 لاکھ، نواب ٹائون میں تنویر کے گھر سے2لاکھ کی نقدی، طلائی زیورات، موبائل فون اور دیگر سامان لوٹ لیا۔ڈاکوؤں نے ستوکتلہ میں خلیل سے اڑھائی لاکھ ، گلبرگ میں عمیر سے ایک لاکھ 30ہزاراور موبائل فون،جنوبی چھائونی میں فیضان سے 70ہزار اور موبائل فون، نصیر آباد میں جہانزیب سے 65ہزارروپے اور موبائل فون، ہربنس پو رہ میں منصور سے 50ہزار اور موبائل فون، اسلام پو رہ میں ذیشان سے 45ہزاراور موبائل فون، ملت پارک میں بلال سے 43ہزار اور موبائل فون،اسلام پو رہ میں بشیر سے 25ہزار اور موبائل فون، شمالی چھائونی میں زین سے 20ہزار اور موبائل فون، راوی روڈ میں شہباز سے 13ہزار اور موبائل فون لوٹ لیا ہے۔ چوروں نے گجر پورہ میںسے ارم، نواں کوٹ میں عمران، جوہرٹائون میں عبداللہ، ٹائون شپ میں سے منیرکی کاریں جبکہ نیو انارکلی میں سے غلام رسول، شادباغ میں آصف، شفیق آباد میں نصیر، اسلام پورہ میں ساجد شاہدرہ میں امجد، پرانی انارکلی میں عمران، شیراکوٹ میں بہاول، چوہنگ میں شہزاد، سوکتلہ میں وقاص، جوہرٹائون میں اسد کی مو ٹرسائیکلیں چوری کر لی ہیں۔علاوہ ازیں قصور کے علاقہ سہاری روڈ ریلوے پھاٹک کے قریب چار ڈاکو ناکہ لگا کر لوگوں کو لوٹ رہے تھے۔پولیس کو دیکھ کر فائرنگ کر دی پولیس کے ساتھ فائرنگ کے تبادلے میں ایک ڈاکو ہلاک ہو گیا جس کی شناخت گلزار کے نام سے ہوئی ہے جبکہ3ڈاکو فرار ہونے میں کامیاب ہو گئے پولیس کے مطابق ہلاک ہونے والا ڈاکو درجنوں وارداتوں میں ملوث تھا۔