کامونکے، فیصل آباد میں 2 افراد اوکاڑہ میں لڑکی نے زندگی ختم کرلی
کامونکے +فیصل آباد +اوکاڑہ (نامہ نگاران +نمائندہ خصوصی) کامونکے، فیصل آباد میں 2 افراد، اوکاڑہ میں لڑکی نے زندگی ختم کرلی۔ تفصیلات کے مطابق کامونکے کے محلہ رسول نگر کا 30 سالہ عبدالشکور کئی روز سے گھریلو حالات سے پریشان تھا نے دلبرداشتہ ہو کر زہریلی گولیاں نگل لیں گوجرانوالہ ڈی ایچ کیو ہسپتال لے جایا گیا جانبر نہ ہو سکا۔ فیصل آباد میں ٹھیکریانوالہ کے علاقہ میں سراج دین نامی شخص نے گھریلو جھگڑوں سے دلبرداشتہ ہو کر بجلی کے کھمبے پر چڑھ کر تاروں کو پکڑ لیا جس سے وہ موقع پر چل بسا۔ اوکاڑہ میں بشارت پارک کی فرح بی بی کو اس کی والدہ حلیمہ بی بی نے ڈانٹ پٹ کی جس پر 18سالہ فرح نے زہریلی گولیاں کھالیں ڈسٹرکٹ ہیڈ کوارٹر ہسپتال لے جایا گیا تشویشناک حالت کے پیش نظر اسے جناح ہسپتال لاہور ریفر کر دیا گیا لیکن فرح جانبر نہ ہوسکی۔
