لاہور(نمائندہ سپورٹس ) دفاعی چیمپئن پاکستان اور رنر ر اپ بھارت 12ویں جنوبی ایشیائی کھیلوں کے ہاکی ایونٹ میں ایک ہی پول میں کھیلیں گے۔ہاکی ایونٹ کل سے گوہاٹی کے مولانا ایم ڈی طیب اللہ ہاکی سٹیڈیم میں شروع ہو گا۔ڈراز کے مطابق، ایونٹ میں چار ٹیمیں پاکستان، بھارت، سری لنکا اور بنگلہ دیش لیگ اور ناک آو¿ٹ کی بنیاد پر مد مقابل ہوں گی۔کل پاکستان کا مقابلہ سری لنکا سے ہو گا، جبکہ پرسوں پاکستان اور بھارت کے درمیان سنسنی خیز میچ متوقع ہے۔پاکستان اپنا آخری میچ دس فروری کو بنگلہ دیش کے خلاف کھیلے گا۔لیگ میں تیسری اور چوتھی پوزیشن پر آنے والی ٹیمیں کانسی، جبکہ ٹاپ ٹو ٹیمیں سونے کے تمغے کیلئے مدمقابل ہوں گی۔ یہ دونوں میچ 12 فروری کو شیڈول ہیں۔