لاہور (نامہ نگار+نمائندگان) لاہور میں 3بچوں، فیروز والا، شیخوپورہ میں لڑکی اور 8ویں کی طالبہ سے زیادتی کی گئی، تفصیلات کے مطابق لاہور کے مختلف علاقوں میں تین بچوں سے زیادتی کی گئی، پولیس نے مقدمات درج کرکے تفتیش شروع کر دی ہے۔ باغبانپورہ گوہر آباد میں دس سالہ دانیال کو محلے کے دو اوباش لڑکوں نے اغوا کر کے ایک دربار میں لیجا کر پہلے تشدد کر کے شراب پلائی اور پھر اسے زیادتی کا نشانہ بنا ڈالا جبکہ دیگر واقعات میں جنوبی چھائونی نشاط کالونی میں شاہد عزیز کے 9سالہ بیٹے قاسم کے ساتھ محلے دار مبشر اور لوہاری گیٹ سوتر منڈی کے عزیز کے 10سالہ بیٹے عبدالصمد سے محلے دار جواد علی نے زیادتی کر ڈالی ہے۔ فیروزوالا سے نامہ نگار کے مطابق لاہور شرقپور روڈ کی آبادی کوٹ نور شاہ میں قدیر احمد نے اپنے چار ساتھیوں کی مدد سے گن پوائنٹ پر محنت کش کی بیٹی کو اغوا کرنے کے بعد اسے زیادتی کا نشانہ بنایا، محنت کش کی 16سالہ بیٹی (ب) گھر میں موجود تھی قدیر احمد نے لیاقت اور دیگر ساتھیوں کی مدد سے اسے اسلحہ دکھا کر جان سے مار دینے کی دھمکی دے کر اغوا کر لیا ملزم قدیر نے ایک مکان میں بند رکھنے کے بعد زیادتی کرتا رہا وہاں سے موقع پا کر تھانہ پہنچ گئی۔شیخوپورہ سے نامہ نگارخصوصی کے مطابق تھانہ سٹی اے ڈویژن کے علاقہ شرقپور روڈ کی آبادی صدیقیہ کالونی سے پانچ ملزموں نے ایک محنت کش کی بیٹی اور آٹھویں کلاس کی طالبہ (ص) کو سرراہ اغواء کرلیا اور نامعلوم مقام پر لیجا کر اس سے زیادتی کرڈالی پولیس نے مغویہ کے بھائی محمد کاظم کی رپورٹ پر ملزمان شہزاد ، یعقوب ، علی شیر وغیرہ کے خلاف مقدمہ درج کرلیا ہے (ص)وقوعہ کے روز گھر سے اپنے والد کو رائس ملز میں کھانا دینے جارہی تھی ۔عارفوالا سے نامہ نگار کے مطابق اوباش نے ساتھیوں کی مدد سے 15سالہ لڑکے سے زیادتی کر ڈالی۔ چک نمبر 16/EBکا ندیم مال مویشیوں کیلئے چارہ لانے کیلئے اپنے زرعی رقبہ کی جانب جارہا تھا تو ناظم نے اپنے ساتھیوں رضوان ، ثناء اللہ کی مدد سے ندیم سے زیادتی کر ڈالی جبکہ پولیس تھانہ رنگ شاہ نے محمد رضوان کو گرفتار کرلیا۔