لاہور (نمائندہ سپورٹس ) ٹی ٹونٹی ورلڈ کپ کے لیے پاکستان کے سکواڈ کا اعلان تاخیر کا شکار ہوگیا ہے ۔ آئی سی سی کی ڈیڈ لائن ختم ہونے میں صرف دو دن باقی ہیں اور ابھی تک سلیکشن کمیٹی کا اجلاس بھی نہیں ہوا۔ نیوزی لینڈ کے ہاتھوں عبرتناک شکست بھی قومی سلیکٹرز کو خواب غفلت سے نہ جگا سکی۔ سلیکٹرز کبیر خان اور سلیم جعفر پاکستان میں ہیں جبکہ چیف سلیکٹر ہارون رشید پی ایس ایل میں مصروف ہیں۔ ہارون رشید کے پاس کرکٹ بورڈ میں بھی دو عہدے ہیں۔ سابق ٹیسٹ کرکٹر سلیکشن کمیٹی کے ہیڈ ہونے کے علاوہ پی ایس ایل منیجمنٹ کمیٹی کے بھی سربراہ ہیں۔