گوجرانوالہ: گڑھے میں گرنے والی گدھا گاڑی کو نکالتے ہوئے کرنٹ لگنے سے باپ بیٹے سمیت 5 افراد جھلس گئے، ہسپتال منتقل
گوجرانوالہ (نمائندہ خصوصی) سڑک کنارے گڑھے میں گرنے والی گدھا گاڑی کو نکالتے ہوئے بجلی کے تاروں سے کرنٹ لگنے کے باعث باپ بیٹے سمیت5 افراد جھلس گئے۔ نوشہرہ روڈ پر محنت کش پرویز اپنی گدھا گاڑی پر سامان لاد کر لے جا رہا تھا راستے میں گدھا گاڑی اچانک گڑھے میں گر گئی جسے نکالتے ہوئے ریڑھی پر رکھا ہوا سریا اوپر سے گذرنے والی بجلی کی تا روں سے چھو گیا اور کرنٹ لگنے سے پر ویز اسکا بیٹا سمیع، تنویر، سرفراز اور قاسم جھلس گئے تاہم واقعہ کی اطلاع پا کر موقع پر پہنچنے والے ریسکیو اہلکا روں نے متاثرین کو فوری طور پر ڈسٹرکٹ ہسپتال منتقل کیا جہاں پر انہیں طبی امداد فراہم کی جا رہی ہے۔
