کوئٹہ (این این آئی) جمہوری وطن پارٹی کے مرکزی صدر نوابزادہ شاہ زین بگٹی نے کہا ہے کہ نواز شریف نے وعدہ کیا تھا کہ ایک لاکھ 75 ہزار بگٹی جو دوسرے صوبوںمیں مقیم ہے ان کو واپس ڈیرہ بگٹی لایا جائیگا، جب وہ ڈیرہ بگٹی میں ان بگٹیوں کو لانے میں کامیاب نہیں ہو سکے تو بیرون ملک بیٹھے ہوئے بلوچوں کو کیسے واپس لائینگے۔ انہوںنے یہ بات ہفتے کی شب نجی ٹی وی سے بات چیت کرتے ہوئے کہی۔ انہو ںنے کہاکہ آج جو واقعہ ہوا ہے افسوسناک ہے، جنہوں نے جو ذمہ داری قبول کی ہے انکے نظریئے اور بلوچوں کے نظریئے میں فرق ہے، حکومت ہمیشہ یہ کہتی ہے کہ بلوچستان میں بیرونی ہاتھ ہیں مگر ابھی تک کسی کو سامنے نہیں لایا گیا، جو بھی ہیں اسکو سامنے لایا جائے تاکہ بیرونی ہاتھ بے نقاب ہو سکے۔