اسلام آباد (آن لائن) معروف ماڈل ایان علی نے ماڈلنگ کی تعلیم کے حوالے سے جدید ترین کالجز قائم کرنے کے لئے ہوم ورک مکمل کر لیا۔ کالجز کراچی، لاہور، اسلام آباد اور سیالکوٹ میں قائم کئے جائیں گے۔ بعدازاں ان کالجز کی چین ملک کے دیگر بڑے شہروں تک پھیلائی جائے گی ۔ اوورسیز پاکستانیوں کے لئے دبئی میں ایک بین الاقوامی کالج کی برانچ قائم کی جائے گی۔ ذرائع نے بتایا ایان علی اب پاکستانی نوجوانوں کو ماڈلنگ سکھائیں گی اور باقاعدہ لیکچر بھی دیں گی۔ ماڈلنگ کے نئے ٹیلنٹ کی تلاش کے لئے ملک کے 16 بڑے شہروں میں ورکشاپس بھی کرائی جائیں گی۔
ایان علی