دبئی (سپورٹس رپورٹر) بنگلہ دیشی کرکٹر تمیم اقبال نے پشاور زلمی اور قومی ٹی ٹونٹی کرکٹ ٹیم کے کپتان شاہد خان آفریدی کو اپنے بچپن کا ہیرو قرار دے دیا ہے۔ دبئی میں پاکستان سپر لیگ کے میچز جاری ہیں جس میں دنیا کے کئی نامور کرکٹر حصہ لے رہے ہیں۔ ان کرکٹرز میں بنگلہ دیشی بلے باز تمیم اقبال بھی ہیں۔ تمیم اقبال نے اب انکشاف کیا ہے کہ وہ ہمیشہ سے پاکستانی ٹی ٹوٹنی ٹیم کے کپتان شاہد آفریدی کے کافی بڑے مداح ہیں۔ وہ بچپن سے شاہد آفریدی کو اپنا ہیرو مانتے آئے ہیں۔ انہوں نے کہا کہ لیگ کے ابتدائی میچز میں اچھا کھیل پیش کیا ہے ۔ کوشش کرونگا کہ آئندہ بھی بہترین کارکردگی کا مظاہر ہ کروں ۔ پی ایس ایل کامیاب ہوگی اور مستقبل میں بھی اچھی امیدیں وابستہ ہیں ۔