لاہور (نمائندہ سپورٹس ڈیسک) سری لنکا نے انگلینڈ کو 6وکٹوں سے ہراکر انڈر 19کرکٹ ورلڈ کپ کے سیمی فائنل کیلئے کوالیفائی کرلیا ۔ انگلینڈ کی ٹیم پہلے کھیلتے ہوئے آخری اوور میں 184رنز بناکر آﺅٹ ہوگئی ۔ٹیلر 42‘گرین 26اور بارٹلیٹ 25اورکیورین 25رنز بناکر نمایاں رہے ۔ڈی سلوا نے تین جبکہ فرنینڈو نے دو وکٹیںحاصل کیں ۔سری لنکا نے ہدف35.4اوورز میں چار وکٹوں کے نقصان پر پورا کرلیا۔فرنیڈو نے 95اور کپتان اسالانکا نے 34رنز بنائے ۔فرنینڈ وکو میچ کابہترین کھلاڑی قرار دیا گیا ۔تیرہویں پوزیشن کیلئے ایک اور میچ میں آئرلینڈ نے کینیڈا کو چھ وکٹوں سے ہرادیا۔کینیڈا کی ٹیم 139رنز بناکر آﺅٹ ہوگئی ۔ آئرلینڈ نے ہدف چاروکٹوں کے نقصان پر پورا کرلیا۔چوتھا کوارٹر فائنل آج پاکستان اور ویسٹ انڈیز کے درمیان کھیلا جائے گا۔ میچ پاکستانی وقت کے مطابق صبح آٹھ بجے شروع ہوگا۔ فاتح ٹیم سیمی فائنل میں بنگلہ دیش کے خلاف کھیلے گی ۔ دوسرا سیمی فائنل بھارت اور سری لنکا کے درمیان کھیلا جائے گا۔