دبئی (سپورٹس رپورٹر) ڈبلز میں عالمی نمبر ایک اور شعیب ملک کی اہلیہ ثانیہ مرزا بھی پی ایس ایل میں کراچی کنگز اور اسلام آباد یونائیٹڈ کا میچ دیکھنے دبئی پہنچ گئیں ثانیہ نے کہا کہ ٹورنامنٹ کے حوالے سے مصروفیات بہت ہیں لیکن جب بھی وقت ملتا ہے شوہر کو سپورٹ کرنے سٹیڈیم کو رخ ضرور کرتی ہیں۔ ثانیہ مرزا نے کہا ان دنوں ٹینس کے بہت زیادہ ایونٹس ہو رہے ہیں اس لئے شعیب ملک اور وہ دونوں بہت کم مواقع پر اکٹھے ہوتے ہیں لیکن جب بھی وہ فارغ ہوتی ہیں شوہر کی حوصلہ افزائی کیلئے سٹیڈیم کا رخ کرتی ہیں۔وہ اور شعیب ملک عالمی سطح کے کھلاڑی ہیں اور دونوں کو اپنی ذمے داریوں کا احساس ہے دونوں پروفیشنل ہیں اس لئے کوئی ایسے اختلافات نہیں ہوتے۔ ڈبلز میں عالمی نمبر ایک بننے پر خوش ہیں اور مارٹینا ہنگس کے ساتھ ان کی جوڑی اب تک بہت شاندار رہی ہے اور اس سال بھی وہ مزید ٹائیٹل اپنے کرنے کیلئے پرامید ہیں۔