سیئول/واشنگٹن(رائٹرز/نوائے وقت رپورٹ) شمالی کوریا اور امریکہ کے درمیان کشیدگی بر قرار ہے۔ غیر ملکی خبر ایجنسی کے مطابق امریکہ نے جنوبی کوریا میں دفاعی میزائل سسٹم نصب کرنے کا اعلان کر دیا ۔پینٹا گون کا کہنا ہے کہ میزائل دفاعی نظام جلد جنوبی کوریا بھیجا جائیگا۔شمالی کوریا کے ایک بحری جہاز کو جنوبی کوریا نے مار بھگایا، جہاز جنوبی کوریا کی مغربی سرحد کے ساتھ جزیرہ سوچیانگ کی بحری حدود میں گشت پر تھا کہ جنوبی کوریا کے حفاظتی عملے نے پہلے اسے وارننگ د ی جب جہاز واپس نہیں ہوا تو انہوں نے فائر کھول دیا جس پر جمہوریہ کوریا کا جہاز واپس لوٹ گیا۔ جنوبی کوریا نے الزام لگایا شمالی کوریا کے جہاز نے ان کی سمندری حدود کی خلاف ورزی کی تھی۔ یاد رہے کہ جنوبی کوریا اور شمالی کوریا کے درمیان اس سمندری حد کاتعین امریکہ نے 1953کی کوریا جنگ کے بعد کیا تھا تاہم جنوبی کوریا نے اس کو تسلیم نہیں کیا۔ راکٹ کے ذریعہ سٹیلائٹ خلا میں بھیجنے کے اقدام پر برطانیہ میں شمالی کوریا کے سفیر کو طلب کر لیا گیا۔