ملتان (کرائم رپورٹر) بھٹہ مزدور کی 6 سالہ بچی بھٹہ میں گر کر زندہ جل گئی۔ بستی گجراں میں واقع عامر کے بھٹہ پر فلک شیر مزدوری کرتا تھا اور ساتھ ہی رہائش رکھی ہوئی تھی۔ گزشتہ روز شام کے وقت فلک شیر بھٹے پر بیٹھا تھا کہ اسکی دو بیٹیاں اسکے پاس دوڑتی ہوئی آ رہی تھیں کہ 6 سالہ فوزیہ کا پائوں پھسل گیا اور وہ آگ کے شعلوں پر جا گری۔ اطلاع پر ریسکیو 1122 کی ٹیموں نے کارروائی کی تاہم بچی زندہ جل چکی تھی۔ ریسکیو ٹیم نے بچی کی نعش نکال کر ورثا کے حوالے کر دی۔ پولیس صدر کے مطابق بچی کے ورثاء نے کسی قسم کی کارروائی سے انکار کرتے ہوئے اسے اتفاقی حادثہ قرار دیا ہے۔ بچی کے بھٹے میں گرتے ہی کہرام مچ گیا اور کثیر تعداد میں شہری جائے وقوعہ پر پہنچ گئے جبکہ علاقہ میں سوگ کا سماں بن گیا۔