فیروز والا + مرید کے (نامہ نگاران) تیز رفتار کار نے موٹرسائیکل سوار 2 دوستوں کو روند ڈالا۔ موقع پر جاں بحق ہو گئے۔ ڈرائیور کار سمیت فرار ہو گیا۔ بتایا گیا ہے کہ چک 44 تھانہ فیروزوالا کے دو دوست قاسم اور وسیم احمد موٹرسائیکل پر مرید کے سے گاؤں آرہے تھے منوں آباد کے قریب گوجرانوالہ سے آنے والی تیز رفتار کار نے کچل ڈالا جس سے دونوں موقع پر جاں بحق ہو گئے۔ نعشیں جب گھروں میں پہنچی تو کہرام مچ گیا۔