ملتان: میٹرک کے طالب علم کی 2 بچوں سے زیادتی، ویڈیو بنالی
ملتان (کرائم رپورٹر) اوباش نے دو بچوں کو زیادتی کا نشانہ بنا کر ویڈیو بنالی۔ پولیس نے ملزم کو گرفتار کر کے ویڈیو برآمد کرلی اور مقدمہ درج کرلیا ہے۔ ذرائع کے مطابق تھانہ بستی ملوک کے علاقہ میں ہائی سکول بستی ترگڑ میں میٹرک کے اوباش طالب علم بلال نے اسی سکول میں زیر تعلیم 10 سالہ نعمان اور 11 سالہ گلفام کو زبردستی زیادتی کا نشانہ بنایا اور ویڈیو بنا کر بلیک میل کرنے لگا جس پر متاثرہ طلباءنے اپنے والدین کو بتا دیا اور واقعہ کی پولیس کو اطلاع دی گئی جس نے کارروائی کرتے ہوئے ملزم کو گرفتار کرلیا اور اسکے قبضہ سے ویڈیو برآمد کرلی۔ پولیس نے ملزم کیخلاف دو الگ الگ مقدمات درج کر کے تفتیش شروع کردی ہے۔
