لاہور(نمائندہ سپورٹس+ سپورٹس رپورٹر) بھارت میں جاری سائوتھ ایشین گیمز میں پاکستان کے میڈلز کی تعداد81ہوگئی ۔ پاکستان نے ایونٹ میں تیسری پوزیشن حاصل کررکھی ہے ۔قومی کھلاڑیوں نے سونے کے 9‘چاندی کے 27اور کانسی کے 45میڈلز جیت رکھے ہیں ۔ بھارت 268میڈلز جیت کر سر فہرست ہے ۔ بھارتی میڈلز میں سونے کے 156‘چاندی کے 85اور کانسی کے 27تمغے شامل ہیں ۔ سری لنکا نے 163میڈلز جیت کر تیسری پوزیشن حاصل کررکھی ہے ۔ میڈلز میں سونے کے 25‘چاندی کے 55اور کانسی کے 83تمغے جیت رکھے ہیں ۔بنگلہ دیش نے سونے کے چار‘چاندی کے بارہ ‘کانسی کے تینتالیس تمغے جیتے ہیں ۔ افغانستان نے سونے کے تین ‘چاندی کے چار اور کانسی کے گیارہ تمغے جیتے ہیں ۔نیپال نے سونے کا ایک ‘چاندی کے تیرہ اور کانسی کے بائیس تمغے جیتے ہیں ۔ مالدیپ نے چاندی کے دو اور کانسی کا ایک تمغہ جیتا ہے ۔بھوٹان نے چاندی کا ایک اور کانسی کے سات تمغے جیتے ہیں ۔