واشنگٹن (آن لائن) امریکی ریاست پینسلوینا میں برف باری کے باعث 50 سے زائد گاڑیاں آپس میں ٹکرانے سے چار افراد ہلاک اور 50 زخمی ہوگئے ہیں۔ امریکی ٹی وی کے مطابق کاریں، ٹرالر اور 50 سے زائد دیگر گاڑیاں ریاست پینسلوینا کی کاؤنٹی لبنان کے آئی سوینٹی ایٹ ہائی وے پر پھسل کر آپس میں ٹکرا گئیں۔ امدادی کارکنوں نے گاڑیوں کے ملبے سے 50 زخمیوں کو نکالا اور کم از کم 40 کو ہسپتال منتقل کردیا جبکہ 10 کو ابتدائی طبی امداد دے کر گھر بھیج دیا جبکہ تصادم کے بعد آئی سوینٹی ایٹ سے گاڑیوں کو ملبہ ہٹایا جارہا ہے اور 70 سے زائد افراد کو عارضی طور پر ایک عمارت میں منتقل کردیا گیا ہے۔