فیصل آباد + شاہ پور صدر + قصور (نمائندہ خصوصی+ نامہ نگار) مختلف واقعات میں شادی شدہ خاتون اور دو لڑکوں کو زیادتی کا نشانہ بنا دیا گیا۔ تفصیلات کے مطابق قصور کے نواحی گائوں قطبہ میں اوباش نے نشہ آور مشروب پلا کر شادی شدہ خاتون کو زیادتی کا نشانہ بنا ڈالا۔ پروین بی بی گھر میں اکیلی تھی کہ ملزم عاشق زبردستی گھس گیا اور نشہ آور مشروب پلا کر بے ہوش کرکے زیادتی کر ڈالی۔ پولیس نے ملزم کو گرفتار کر لیا ہے۔ دریں اثنا فیصل آباد میں اوباش نے بچے کو بداخلاقی کا نشانہ بنا ڈالا۔ تھانہ نشاط آباد کے علاقہ چک 26ج۔ب میں قدرت کے بیٹے محسن کو ملزم آفتاب نے اپنے ساتھی کے ہمراہ اسلحہ کے زور پر زیادتی کا نشانہ بنا دیا جبکہ چک 7ج۔ب کے لیاقت کے بیٹے عظیم کو نامعلوم افراد نے زبردستی ویرانے میں لے جا کر زیادتی کا نشانہ بنانے کی کوشش کی۔ لڑکے کے شور پر ملزم فرار ہونے میں کامیاب ہو گئے۔ علاوہ ازیں شاہ پور صدر میں ریاض الخطیب کالونی کے آٹھویں جماعت کے طالبعلم علی حمزہ سے اوباش حسنین نے کھیتوں میں لے جاکر زیادتی کی اور مزاحمت پر تشدد کا نشانہ بنایا۔