ساہیوال + رینالہ خورد (نامہ نگاران) مختلف واقعات میں 4افراد نے خودکشی کرلی۔ کوٹ خادم شاہ کے بابر نے گھریلو حالات سے تنگ آکر گلے میں پھندا ڈال کر زندگی ختم کرلی، چک84 کے ریاض اور چک 66 کی لڑکی (ر) نے گھریلو جھگڑوں اور حالات سے دلبرداشتہ ہو کر زہر نگل لیا جنہیں ہسپتال منتقل کیا گیا جہاں وہ دم توڑ گئے۔ رینالہ خورد میں بھی گھریلو جھگڑے پر نوجوان نے زہریلی گولیاں کھا کر خود کشی کرلی۔ انوار شہدکالونی کا جواں سالہ رہائشی محمد الطاف عرف جوڑا کا گھر والوں سے جھگڑا ہو گیاجس پرنوجوان نے زہریلی گولیاں نگل لیں۔