ایف آئی اے کی لاہور، اسلام آباد شیخوپورہ میں کارروائی، 4 انسانی سمگلر گرفتار
اسلام آباد (آن لائن) ایف آئی اے کے انسانی سمگلنگ سیل نے مختلف شہروں میں کارروائی کر کے 4 انسانی سمگلروں کو گرفتار کر لیا ہے۔ تفصیلات کے مطابق ایف آئی اے کے انسانی سمگلنگ سیل نے اسلام آباد، لاہور اور شیخوپورہ میں کارروائیاں کر کے پولیس کو مطلوب 4 انسانی سمگلروں کو گرفتار کر لیا۔ ایف آئی اے کے مطابق گرفتار ملزمان میں فرحان، خوشنود، صفدر اور سرور کو شیخوپورہ، لاہور اور اسلام آباد میں کارروائی کر کے گرفتار کیا گیا ہے۔ گرفتار ملزمان ایف آئی اے کو مطلوب تھے جو انسانی سمگلنگ کا گھنائونا دھندہ کرتے تھے انہوں نے متعدد افراد کو پاکستان سے غیر قانونی طور پر افغانستان اور ایران کے راستے بیرون ممالک سمگل کیا ہے ایف آئی اے نے گرفتار ملزمان کو نامعلوم مقام پر منتقل کر کے تفتیش شروع کر دی ہے تاکہ ان کے دیگر ساتھیوں کو بھی گرفتار کیا جا سکے۔
