چترال/ پشاور/ کوہاٹ (آئی این پی+ آن لائن+نوائے وقت رپورٹ) سی ٹی ڈی نے چترال میں کاروائی کرتے ہوئے دہشتگرد کو گرفتارکرلیا جس کے قبضہ سے ایک کلوبارودی موادبھی برآمد ہوا۔ کاروائی چترال میں دروش کے مقام پر کی گئی جہاں سے غلام نامی دہشتگرد کو گرفتارکیاگیا قبضہ سے ایک کلوگرام بارودی مواد، دستی بم، ڈیٹونیٹرز اور دیگر مواد برآمد ہوا۔دہشت گرد کا تعلق پشاور کے علاقہ بیری باغ سے ہے جو ایک کالعدم تنظیم کے لئے کام کرتا رہا ہے۔ علاوہ ازیں محکمہ انسداد دہشتگردی نے بنوں میں کارروائی کر کے اشتہاری ملزم یعقوب کو گرفتار کر لیا۔ پنجاب حکومت نے ملزم کے سر کی قیمت 5 لاکھ مقرر کی تھی۔