فیصل آباد + جڑانوالہ (نمائندہ خصوصی+ نامہ نگار) فیصل آباد میں گزشتہ رات نامعلوم افراد کی پولیس وین پر فائرنگ سے اے ایس آئی سمیت تین پولیس اہلکار جاں بحق ہو گئے۔ پولیس کے مطابق میراں والہ بنگلہ بائی پاس پر پٹرولنگ پولیس نے مشکوک افراد روکا تو انہوں نے اندھا دھند فائرنگ کر دی جس سے تین پولیس اہلکار شہید ہو گئے۔ جاں بحق اہلکاروں کی شناخت اے ایس آئی اسحاق، کانسٹیبل عمران اور ڈرائیور رفاقت کے نام سے ہوئی، اطلاع ملتے ہی پولیس کی بھاری نفری علاقے میں پہنچ گئی اور فائرنگ کرنیوالوں کی تلاش میں آپریشن شروع کر دیا جبکہ پولیس اہلکاروں کی نعشیں ہسپتال منتقل کر دی گئیں۔جڑانوالہ سے نامہ نگار کے مطابق تین شہید پولیس اہلکاروں میں رفاقت، عمران اور انکا ڈرائیور شامل ہیں جبکہ ملزم فرار ہوگئے۔
فیصل