سرگودھا + بہاولپور+ بھکر (نامہ نگاران) حساس اداروں اور پولیس نے مختلف شہروں میں سرچ آپریشن کر کے دو خواتین سمیت 10 مشکوک افراد گرفتار کر لئے۔ پھلروان، بھلوال پولیس نے موضع رتو کالا و ملحقہ ڈیرہ جات علاقہ تھانہ پھلروان میں سماج دشمن عناصر کے خلاف سرچ آپریشن کر کے 5 مشکوک افراد کو حراست میں لے لیا گیا۔ ان میں سابقہ ریکارڈ یافتہ عمر حیات، افشین نواز، قیصر عباس سے اسلحہ برآمد کر کے مقدمات درج کر لئے۔ سرچ آپریشن کے دوران 6 مشکوک موٹر سائیکلز اور ایک چوری شدہ کار بھی قبضہ میں لے لی۔ ادھر بہاولپور میں باوثوق ذرائع سے معلوم ہوا ہے کہ محکمہ انسداد دہشتگردی نے گزشتہ روز دو مشکوک افراد کو گرفتار کیا ہے جن کے قبضے سے ذرائع کے مطا بق راکٹ لا نچر بھی برآمد ہوا ہے تاہم پولیس کی مقامی حکام نے تاحال ان کی گرفتاری کی تصدیق سے معذرت کی ہے۔ بھکر حساس اداروں اور آرمی نے دریاخان کے محلہ بنگال آباد سے 2خواتین سمیت 3 افراد کو حراست میں لے کر نامعلوم مقام پر منتقل کر دیا۔ واضح رہے یہ تین افراد جنوبی وزیرستان کے علاقہ سے آج ہی دریاخان میں منتقل ہوئے تھے جس پر حساس اداروں اور پاک آرمی نے خفیہ کارروائی کرتے ہوئے دوست مالا، ادھے اور عرفان نامی مرد کو حراست میں لے لیا۔ اس تمام کارروائی میں پولیس کو قریب ہی نہیں آنے دیا گیا۔