دبئی ( نمائندہ سپورٹس) پریشان چہرہ اور نم آنکھوں میں ٹیم کی فتح کے لئے امید لئے بڑے بڑے باؤلرز کی نیندیں اڑا دینے والے سر ویوین رچرڈز کوئٹہ گلیڈی ایٹرز کے لئے آبدیدہ ہو گئے۔پہلے پلے آف میچ کے آخری لمحات میں جب شکست کا خطرہ منڈلا رہا تھا تو سر ویوین رچرڈز کے چہرے سے پریشانی عیاں تھی۔شکست کے خوف سے ان کے چہرے کے تاثرات سے پتہ چل رہا تھا کہ وہ اپنی ٹیم کیلئے آبدیدہ لگ رہے تھے ۔ سرفراز الیون ہی نہیں بلکہ پی سی بی بھی لیجنڈ سر ویوین رچرڈز کی کوچنگ کا گرویدہ ہے۔