داؤدخیل (نامہ نگار) پی ٹی آئی کے انٹرا پارٹی الیکشن میں میانوالی کی ضلعی صدارت کے امیدوار و معروف فوک گلوکار عطاء اللہ خان عیسیٰ خیلوی نے کہا ہے کہ تمام کشتیاں جلا کر میدان سیاست میں قدم رکھا ہے۔ گانا بجانا چھوڑ کر پی ٹی آئی میانوالی کو متحد کرنے کا بیڑہ اٹھایا ہے۔ پی ٹی آئی کے منتخب نمائندوں کی نااہلی اور آپس کی لڑائیوں کی وجہ سے مسلم لیگ ن حکو مت بنانے میں کامیاب ہو گئی۔ یہ صرف ذاتی چپقلشوں کی وجہ سے ہوا ہے۔ ان خیالات کا اظہار انہوں نے صدارتی مہم کے دوران داؤدخیل میں ورکروں سے خطاب کرتے ہوئے کیا۔ انہوںنے کہا کہ میری کو شش ہے پی ٹی آئی میں پائی جانے والی رسہ کشی ختم کر کے سب متحد ہوں اور میانوالی پی ٹی آئی کا گڑھ بنے۔ عمران خان نے مجھے پاکستان ،پنجاب کی ذمہ داری دینے کے لیے کہا لیکن جب میرا گھر میانوالی ہی خراب ہو تو مجھے ان کی کیا ضرورت ہے۔