لاہور (سٹاف رپورٹر) شہر میں ڈکیتی چوری کی 9 وارداتوں میں ڈاکوئوں نے شہریوں سے 20 لاکھ کا مال لوٹ لیا۔ ڈاکوئوں نے تھانہ جنوبی چھائونی کیولری گرائونڈ کے رہائشی انتخاب کے گھر اہل خانہ کو یرغمال بنا کر گھر سے 12لاکھ روپے مالیت کی نقدی و زیورات ، تھانہ شاہدرہ ٹائون فیصل کے علاقہ میں گھر سے 2 لاکھ، مسلم ٹائون میں رزاق سے 91ہزار، راوی روڈ میں جاوید کی دکان سے 37ہزار، تھانہ ٹائون شپ کالج روڈ پر واقع بیکری سے 10ہزار کی نقدی ،فیکٹری ایریا میں محمد دین سے 2لاکھ، گلبرگ میں جنید سے1 لاکھ 37ہزار،اقبال ٹائون میں اکرم سے 1 لاکھ اور مو ٹرسائیکل ،سمن آباد میں عثمان سے 35ہزار کی نقدی اور دیگر سامان لوٹ لیا گیا جبکہ گلبرگ سے شہزاد، غالب مارکیٹ سے انجم گرین ٹائون سے صدیق،ٹائون شپ سے سلیم، ستوکتلہ سے خضر،وحدت کالونی سے شہزاد، مزنگ سے یوسف، شالیمار سے طارق کی مو ٹرسائیکلیں اور شادمان سے بشیر اور ڈیفنس سی میں رضوان کی گاڑیاں چوری کرلیں گئیں۔