لاہور (سپیشل رپورٹر) پنجاب حکومت نے 11افسروں کے تبادلے و تقرری کے احکامات جاری کئے ہیں، محمود احمد ڈائریکٹر پالیسی لینڈ ریکارڈ منیجمنٹ انفارمیشن سسٹم بورڈ آف ریونیو کا تبادلہ کرکے ڈی سی او حافظ آباد تعینات کردیا وہاں سے محمد عثمان کو ٹرانسفر کرکے او ایس ڈی لگایا گیا ہے۔ ارقم طارق ایڈیشنل سیکرٹری ایڈمن ایس اینڈ جی اے ڈی کو ڈی سی او شیخوپورہ ، وہاں سے کرن خورشید کو ٹرانسفر کرکے ایس اینڈ جی اے ڈی کو رپورٹ کرنے کی ہدایت کی گئی ہے سید نجف اقبال ڈی سی او نارووال کو او ایس ڈی، ڈاکٹر آصف طفیل ڈی سی او سیالکوٹ کو ڈی سی او نارووال کا اضافی چارج دیا گیا۔ ڈاکٹر احتشام انور ایڈیشنل سیکرٹری جوڈیشل محکمہ داخلہ کو ڈی سی او بہاولپور لگایا گیا ہے محمد عمر چٹھہ او ایس ڈی کو ایڈیشنل کلکٹر سیالکوٹ، سید بلال حیدر ڈپٹی سیکرٹری فوڈ کو ایڈیشنل سیکرٹری فوڈ، ذوالفقار احمد گھمن چیف ایگزیکٹو آفیسر ہیلتھ اینڈ ایجوکیشن انسٹیٹیوٹ مریدکے کو سیکرٹری سیٹلمنٹ بورڈ آف ریونیو، فیصل فرید کو اربن یونٹ پی اینڈ ڈی سے ٹرانسفر کرکے او ایس ڈی لگا دیا گیا ہے۔