پی ایس ایل نعے عرب میڈیا کو بھی دیوانہ کر دیا تنگ نظر بھارتی بورڈ پر تنقید
دبئی(نمائندہ سپورٹس +آن لائن) عرب میڈیا کا کہنا ہے کہ متحدہ عرب امارات کی سرزمین پر ایسی لیگ پہلے کبھی دیکھنے کو نہیں ملی۔ پاکستان سپر لیگ کا میلہ متحدہ عرب امارت کے میدانوں میں سجا یا گیا ہے جہاں کرس گیل ، کمار سنگاکارا ،شین واٹسن ، کیون پیٹرسن اور آندرے جیسے غیر ملکیوں کھلاڑیوں کے ساتھ ساتھ پاکستانی کھلاڑیوں نے بھی صلاحیتوں کے جوہر دکھائے۔ عرب میڈیا کا کہنا تھا کہ متحدہ عرب امارات کی سرزمین پر اس سے بہترین لیگ آج تک دیکھنے کو نہیں ملی جہاں غیر ملکی کرکٹرز کے ساتھ ساتھ پاکستانی کرکٹرز نے بھی اپنی صلاحیتوں کے جوہر دکھا کر شائقین کرکٹ بہترین تفریح فراہم کی۔ بھارتی کرکٹ بورڈ پر تنقید کرتے ہوئے کہا کہ بی سی سی آئی انڈین پریمیر لیگ میں بھی پاکستانی کھلاڑی نہیں کھلاتا اور اس نے اپنے کھلاڑیوں کو بھی پاکستان سپر لیگ میں شرکت سے روکا جو مایوس کن تھا،اگر کرس گیل ،شین واٹسن اور کیون پیٹرسن جیتے دنیائے کرکٹ کے بڑے نام پاکستان سپر لیگ کھیل سکتے ہیں تو بھارتی کپتان ایم ایس دھونی ، ویرات کوہلی اور روی ایشون کو اس لیگ کا حصہ ہونا چاہیے ، بی سی سی آئی کو اب اپنی تنگ نظری کو ترک کرتے ہوئے کھیل کا مفاد دیکھنا چاہیے۔
